Carlo Porta – Mè cugnaa l’Ambrosin quell candiron

 74 total views,  1 views today

Mè cugnaa l’Ambrosin quell candiron
ch’el pareva on salamm mal insaccaa
el te m’ha daa assabrutta on bell pianton
e l’è cors in castell a fass soldaa.

La piang la mamma, e la gh’ha ben reson,
ché la mamma l’è quella che el l’ha faa:
so pader anca lu el fa el maccaron,
ma l’è semper so pà, sia bolgiraa!

Quell che me par a mì on poo stravagant
l’è a vedè i soeu fradij tutt magonent
a piang, a sospirà, a casciass tant.

massem che foeura de sto stat che chì
no ghe n’è vun pù spicc al temp present
per fagh schivà l’incomed del spartì.

Lascia un commento

Il tuo indirizzo email non sarà pubblicato. I campi obbligatori sono contrassegnati *

Questo sito usa Akismet per ridurre lo spam. Scopri come i tuoi dati vengono elaborati.