|
Yunanıstan
Yunanıstan mıntıqa ra verocê (cenub) rocakewtena Ewrope dero. Zımey (Şımalê) Yunanıstani de Bulgarıstan u Makedonya; veroc (cenub) de Deryao Sıpê (Deryao Miyanên); rocawan (ğerb) de Deryao Adriyatik, Arnawutiye; rocakewtene (rocvetış, şerq) de Deryaê Egey u Tırkiya estê. Paytextê Yunanıstani Atênao.
Tarixê Yunanıstani zaf dewletiyo. Medeniyetê Yunanki ra filozofi, matematikeri, senatkari, nuskari veciyay. Olimpiyat, demokrasiye, drama u komedi Yunanıstan ra dınya sera biya vıla. İmparatorina Bizansi Yunanıstan ra vejiya. Bizansi Balkan, Anadoliye, Suriya, Fılıstin u Mısır sero hıkum kerd. Feqet İmparatorina Osmanıcan Bizans feth kerd. Serra 1453i de Osmanıcan Estamol gırewt. İmparaturina Osmanıcan Yunanıstan sero 400 serre hıkum kerd. (Dewamê cı...)
Koyo Berz
Koyo Berz yew nuskarê Zazakiyo u kitaban şiir u estanike, qısebendê Zazaki u gramerê Zazaki neşir kerd.
Koyo Berz dı serda 1951 dı, dewa Sêwrege (Soyregı) Mextele dı ameyo dınya. Wendena xo ya destpeykerdenı heta sınıfa çıhari dewda Anazoy dı wendo. Sınıfa panci ji Sêwregı dı, wendexaneyê Şair İbrahim Rafeti dı temam kerdo (1964). Wendena xo ya werti u Lise ji Sêwrege (Soyregı) dı temam keno (1969-1970). Ewro, Koyo Berz İsveç de muneno.
Koyo Berz’i bı nuştedê xo yê Tesirê Zıwani ya xelata Nubıhar a hiremina 1994 an gırota. (Nubıharı pêserokêda menganeya u Estamol dı vıjêna). (Dewamê cı...)
|
