Võro lipp

Läteq: Wikipedia

Võro maakunna lipp

Võro liina lipp

Võro lipu - võro keele, võrokõisi ja Võromaa lipu kavand' 2004. aastagast

Võro lipp om lipp, miä om mõtõld sümbolis võro keelele, tuu kõnõlõjilõ ja näide maalõ - vanalõ Võromaalõ, miä om võro keele- ja kultuuriala.

Võro lipp olõ-i sama, miä parhilladsõ Võro vai Põlva maakunna lipp. Naaq ommaq külh maakunnaq, kon kõgõ inämb võro kiilt kõnõldas, a naidõ lipuq ei sünnüq võro keele ja tuu kõnõlõjidõ sümbolis, selle et naaq ommaq samasugudsõq ku Eesti kõiki tõisi maakundõ ammõtlidsõq lipuq (valgõ ja rohilinõ, ainugõnõ vaih, miä maakundõ lippõ ütstõõsõst eräldäs, om lipu keskehe pant maakunna vapp).

Ammõtlist võro lippu olõ-i viil olõman, a om vällä pakut kavandiid, minkast ütte om naat jo mõnõn paigan mitteammõtligult pruukma. Tuu võro lipu kavand, miä om luud 2004. aastagal (luujaq: Fastrõ Mariko, Jüvä Sullõv ja Oro Laivi) om näüdüsses tuud ka seon artiklin ja ärq trüküt Õuruupa vähämbüisi võrgolehe Eurominority plakatidõ pääl.

Võro lipu välläkujonõminõ om parhilla siski viil poolõlõ ja olõ-i teedäq, määnest lippu võrokõsõq umas lipus tunnistama nakkasõq.