Udin

De Vichipedie, la enciclopedie libare dute in marilenghe.

Se tu cirivis la scuadre di balon viôt Udinese Calcio


Udin
Non ufiziâl par talian Udine
Provincie Udin
Part Friûl di Mieç
Altitudin 113 m s.n.m
Superficie 56 km²
Popolazion 97.071 (avrîl 2007) ab.
Densitât 1.740,41 ab/km²
Frazions Baldassarie, Beivârs, Cjavriis, Cormôr, Cussignà, Laipà, i Riçs, Padier, San Bernart, San Domeni, San Gotart, San Roc, San Svualt
Comuns confinants Cjampfuarmit, Martignà, Pagnà, Pasian di Prât, Pavie, Paulêt, Puçui, Pradaman, Reane dal Roiâl, Remanzâs, Tavagnà
CAP 33100
Prefìs telefonic 0432
Patron Sants Ramacul e Fortunât
Sît istituzionâl
Cjale il Progjet comuns
 
Colabore a Wikiquote
«O ce biel cjiscjel a Udin. o ce biele zoventût»

Udin e je la capitâl dal Friûl; e je situade intal Friûl centrâl, intune posizion strategjiche: e je une citât di plui di 97.000 abitants e je un centri di atrazion pai paîs ator ator; e je ancje il cjâf lûc de omonime provincie, seconde par dimensions inte regjon Friûl-Vignesie Julie.


Indis

[cambie] Gjeografie

Udin e je logade intal mieç de planure furlane, atôr di un cuel dominât dal cjistiel, che al rive a 138 metris di altitudin sul nivel dal mâr.

[cambie] Storie

Nassude probabilmentri come insediament celtic, e fo slargjade intal periodi di Rome. Daspò dal crac dal Imperi, al restà dome un piçul centri, sigurementri une vore mancul impuartant di Aquilee e Cividât.

Il prin document scrit ch'al fevele di Udin — e je clamade "Utinum" — al è dal 983. Tal 1223 la creazion di un marcjât aumentà la impuartance di Udin, che e deventà la citât plui grande e plui impuartant dal Friûl, fin a deventâ sede dal Patriarcjât di Aquilee graciis a l'imperadôr Oton II. Tal 1420 e passà cul Friûl ae Republiche di Vignesie, dulà che e restarà fin al 1797, an dal Tratât di Cjampfuarmit, cuant che e pasà sot de influence francese.

Cun la cjadude di Napoleon e la seguitive Restaurazion dal Congrès di Viene, in tal 1813 e fasè part dal Ream Lombart-Venit, regjon dal Imperi Asburgjic. Il 1866 al è la date di anession al Ream di Italie. Tra il 1915 e il 1917 Udin e fo capitâl da la vuere. Po daspò da la rote di Cjaurêt e fo ocupade dai Austro-Todesc, par jessi liberade il 2 di Novembar dal 1918.

Ancje vie pal secont conflit mondiâl la citât di Udin e fo un impuartant lûc di vuere. Daspò dal 8 di Setembar dal 1943 la citât e fo ocupade dai soldâts todescs dal Tierç Reich, e la liberazion e acjadè dome tal avrîl dal 1945. Pai sacrificis e pal compuartament de popolazion, Udin e fo decorade cu la crôs al merit di vuere pal prin conflit e cu la medaie d'aur al valôr militâr par la seconde vuere.

[cambie] Monuments

[cambie] Culture

Il Teatri Gnûf Zuan di Udin al è il plui grant teatri de citât; al è stât inaugurât il 18 di Otubar 1997, e al à 1.230 puescj. Al è un progjet dal inzegnîr Giuliano Parmegiani e dal architet Lorenzo Giacomuzzi Moore.

[cambie] Economie

[cambie] Manifestazions

  • Friûl DOC (Friuli DOC) - riviste enologjiche e gastronomiche dai prodots dal Friûl, che e sucêt un fin de setemane al an, ae mitât di Setembar
  • Udin al pedale (Udine Pedala) - corse in biciclete atôr par Udin
  • Far East Film Festival - riviste di films orientai, che e si davuelç ae fin di Avrîl
  • Maratonine Citât di Udin (Maratonina città di Udine) - Gare internazionâl di mieze maratone

[cambie] Galarie fotografiche

[cambie] Leams esternis