Vuoi aiutare economicamente questo sito? Spiacenti, non accettiamo donazioni. Sorry, we ar not for sale. We are not liber, we are free!
Puoi farlo indirettamente acquistando il libro "Debito Formativo" di Valerio Di Stefano.
Oppure, acquisendo un abbonamento Audible per i nostri audiolibri. O per gli e-book su Mondadori Store. Oppure su Kobo.
Oppure... anche no! (Niente monetine da 2 euro, niente pizza o focaccia. Il caffè ci rende nervosi.)


This website is referral for adsterra.com, popcash.net, clickadu.com and iubenda.it!

Please visit our new website audiobookgratis.it and our brand new Encyclopaedia Britannica. It's absolutely free!

Now you can download our classical and etnic music archives in just one clic.

Privacy Policy - Cookie Policy - Termini e condizioni di servizio



Static Wikipedia: Italiano - Inglese - Francese - Spagnolo - Tedesco - Portoghese - Olandese - Polacco -
Russo - CineseTurco - Svedese - Swahili - Afrikaans - Vietnamita - Ebraico - Greco - Arabo - Coreano -
 Finlandese - Winaray - Giapponese - Ungherese - Bulgaro - Farsi - Danese - Hindi -
 Lituano - Lettone - Catalano - Euskera - Esperanto - Estone -Norvegese -Rumeno -

 Static Wikipedia - Other Languages:  aa - aab - als - am - amg - an -  arc- as - ba - bar - bat - bcl -  be - bh - bi - bm - bn - bo - bpy - br - bs - bug -
bxr
 - cdo - ce - ceb - ch - cho - chr - chy - co - cr - crh - cs - csb - cu - cv - cy- diq - dib - dv - dzee - eml  - ext -
 fa - ff - fiu - fj - fo - frp - fur - fy - ga - gan - gd - gl - glk . gn - got - gugv - ha - hak  - hif - ho - hr -
hsb  - hy - hz -ia- id - ie - ig - ii - ik - ilo - io - is - iu - jbo - jv - ka - kaa - kab - kg - ki - kj - kk - kl -
 km - kn - kr - ks - ksh - ku - kv - kw - ky - la - lad - lb - lbe - lg - li - lij - lmo - ln - lomdf - mg - mh -
 mi - mk - ml - mn - mo - mr - mt - mus -my - myv - mzn - na - nh - nap - ne - nds - new -ng - nn - nov -
nrm - nv - ny - oc - om - or - os - pag - pa - pdc - pih - pi - pms - ps - qu - rm - rmy - rn - rw -
 sa- sah - sc -scn - sco -sd - se - sg - sh - si - simple - sk - sl - sm - sn - so - sr - srn - ss - st -
stq - su - szl - ta - te - tet - tg - th - ti - tk - tl - tlh - tn - to - tpi - ts - tt - tum - tw - ty -
udm - ug - uk - ur - uz - ve - vec - vi - vls - vo - wa - war - wo - wuu -xal - xh - yi - yo - za - zea - zu -



Other Static Wikipedia: .org - .it - .net - .eu - com - controversi.org - literaturaespanola.es - Quality articles
Wikipedia for Schools: English - French - Spanish - Portuguese
101 free audiobooks - Stampa Alternativa - The Open DVD - Open Bach Project  - Liber Liber - PunchLibretti d'opera - Audioletture - Audible
Appunti di informatica libera - Conferenze - Audiobook PG - Bach Organ WorksEnglish PG -
Italiano PG - GNUtemberg - Guide LinuxAnonymous PG - Authors - ISO files -
Holy Bible: King James Version -  OnLine Bible - Spanish Reina Valera - French Segond - World English Bible - KJV Concordances - Concordanza Biblica

And don't forget our Wikipedia Dumps: HTML - JSONZIM

«Масторава» морокерькс - Википедиясь

«Масторава» морокерькс

Википедиясь -нь пельде

«Масторава» морокерькс — те васенце эрзянь раськень эпосс (морокерькс), конань эйсэ вейтс ульнезь пурназь икелень шкань эрямось.

Потмокс

[витнеме-петнеме] «Масторава» морокерьксэнть сёрмадыцядонзо

Шарононь Сандра, «Масторава» морокерьксэнть кисэ 1995 иестэ казязель Мордовия Республикань Государственной Казесэ, ды 1997 иестэ М. А. Кастренэнь вейсендявксось ледстизе Васенце Сёрмадыцянь Казесэ.

Истя сёрмады эсензэ «сёрмадозь пакшадонть»- «Масторава»-донть:

эйсэнзэ васенцеде вейке лувс пурназь минек космогониясь; менелень - масторонь пазтнэнь
пантеонось; маралянь эпикась — эрьва кодат кезэрень эрямопингень моротне-ёвтамотне ине 

мараляст (героест) марто. Сынст ютксо куншка видьсэ ашти Тюштя инязорось; койтне-илатне, пертьпельксэнть ды эрямонть лангс вановкстнэ, эстетикась, философиясь, педагогикась.

Эпосось ванстынзе ютазь шкас эрзянь ды мокшонь ине маралятнень лемест: 
Инешкипазонть (ине + шки(ця)+ паз = мирэнть-масторонть теицянть), 
Ангенть (Инешкиаванть, мазычинь пазаванть), 
Идемевсенть (идем вийтнень азоронть), 
Кудадеенть (эрзянь раськенть ушодыцянть), 
Тюштянть (эрзянь ды мокшонь масторонть пурныцянть),
Нарчатканть (мокшонь чинязор-аванть, печказтнэнь каршо набой тюрицянть), 
Саманьканть (Казань ошонть саицянть) ды ламо лиятнень. 

Сынь весе — минек раськенть каштанчись ды мазычись. 

[витнеме-петнеме] «Масторава» морокерькстэнть:

Ютазь пингень 1994-це иесь Эрзянь культурань зрямосо тешкстазь «Масторава» эпосонть -морокерьксенть лисемасо, конань эрзянь ды мокшонь кезэрень мифтнень, эпической моротнень ды ёвтамотнень коряс сёрмадызе А.М. Шаронов фольклористэсь. Сон топавтсь истямо важодевкс, кона аравтови мирэнь-масторонь келес содавикс истят памятниктнень ваксс, кода Э. Лённротонь «Калевала», Ф. Крейцвальдонь «Калевипоэг», А. Пумпуронь «Лачплссис» ды лият.

«Масторава» эпоссонть невтевить эрзятнень ды мокшотнень эрямо пингестэ сехте редявикс событиятне-эрямотне. Васенце таркасо ашти мелявксонзо марто ломанесь. Эпоссонть пачтяви, кода эрясь, мезде арсесь ды мезес бажась эрзянь раськесь кезэрень шкатнестэ. Эрьва морось, эрьва ёвтамось эйсэнзэ — те моро ломаньде, седе, кодамокс эряви улемс, кода мелявтомс эсь раськенть уцясканзо кисэ.

[витнеме-петнеме] Васенце пельксэсь

Васенце пелькссэнть (Пазонь пинге) ёвтневи, кода Инешкипазось теизе мирэнть-масторонть; кортави Анге нидензэ, кона чачты тензэ сисем эйкакшт: Верепаз, Пурьгинепаз, Веленьпаз, Масторпаз, Кастарго, Везорго ды Ведьава. Мастораванть сюпавчинзэ ванстоманть кисэ, Инешкипазось теизе эрзянь ломаненть ды ветясь тензэ ни: кадык касы-рашты эрзянь раськесь. Седе тов ёвтневи лия пазтнэнь чачомадо, ломаньтнень ды пазтнэнь ютксо чиямодо-урьвакстомадо... Эрзятнень ды мокшотнень кезэрень вановтост коряс, пазтнэ ды ломаньтне вейсэ ладить мирэнть-масторонть. Пазтнэ аволь ломаньтнень прявтост, сынь весемесэ лездыть тенст.

[витнеме-петнеме] Омбоце пельксэсь

Омбоце пелькссэнть (Кезэрень пинге) ёвтневи башка сыметнень-буетнень вейтсэндямодо, ломаньтнень ютксо од эрямонть ладямодо, минень-сюнонь зыяндо эсь масторонть ванстомадо. Ламо стакачинь печтязь тень теить Андямо, Кудадей, Тёкшонь ды лия маралятне-инязортне. Невтевить ломаньтнень ютксо од семиясо ды весе сюлмавкстнэ.

[витнеме-петнеме] Колмоце пельксэсь

Колмоце пелькссэнть (Тюштянь пинге) кортави, кода кувать вешнемадо мейле эрзятне ды мокшотне пурныть эстест инязор, кона паролгавтсы эрямост, лади од койть-илат, идесы масторонть инегуйтнеде ды Сарда хандонть. Сы Тюштянь куломазо, сон кадсы эсь раськензэ ды велявты одов менелев. Од инязорокс ломантне кочкасызь сонзэ веженсь цёранзо, конань истя жо лемдясызь Тюштякс. Шкась полавтови, эрзятнень ды мокшотнень каршо сырги виев ят, ды эсь раськензэ идеманть кисэ Тюштя саи мель туемс мартонзо лия масторов.

[витнеме-петнеме] Нилеце пельксс

Нилеце пелькссэнть (Ятонь пинге) ёвтневи эрзятнень ды мокшотнень лангс печказтнэнь каявомадо. Тесэ минь вастовтано Арсай прявтонть, Канява, Нарчатка, Кастуша мазый тейтерьтнень марто. Весе сынь путыть виест вейке покш тевентень — ванстомс эсь масторонть нулгодькс ятонть эйстэ.

[витнеме-петнеме] Ветеце пельксэсь

Ветеце пельксэнть (Од пинге) юрсо аштить «Од пинге», «Саманька», «Шекшата пандо» летописень моротне, «Пижень сюро» ёвтамось, конасонть чудань пижень сюронть вельде эрзятненень ды мокшотненень максовить превть, кода эрямс од шкастонть. Невтевить ломаньтнень эрямосо сеть покш лиякстоматне, конат сюлмавозь Рузонь масторос совамост марто. Эрзятнень ды мокшотнень фольклорсост сехте ламо моротне, преданиятне ды легендатне Тюштядо. Секс «Масторава» валморонтькак Тюштя саи прявт тарканть. Эпосонть ванномсто минь васттано фольклоронь сёрмадовкстнэнь марто зярыя авейкетьксчить. Кезэрень тексттнэ-сёрмадовкснэ ладсевсть ламо пингень перть, секскак эрьва моронть улить зярыя вариантонзо, конат шканть молеманзо марто пештявсть од ёнкссо; полавтовсть те эли тона тевтнень лангс ломаньтнень вановтост, лиякстомсь Тюштянь лувось. Истя чачсть морот, конатнесэ эрзятнень прявт маралянть ёвтнемасо вастневить сатирань ёнкст. Мертяно, ве моросонть ёвтневи седе, кода Тюштя муи вирьстэ рузонь карь, тандады ды эсь раськензэ марто кадсы эрямо таркаст. Лиятнесэ Тюштя малавгавтови алкуксонь эрямосто саезь инязортнэнь марто ды тень пингстэ невтеви кежейкс, сюпавчис правтыцякс; сон арси ансяк эсь прядонзо, мик стувтсы эсь раськензэяк.

«Масторава»-со Тюштя малавикс фольклоронь васенце сёрмадовкстнэнь, конатнесэ сон а явови эсь раськензэ эйстэ, весе мелензэ-превензэ путы ломаньтнень эрямост паролгавтомантень. «Масторавас» совавтозь зярыя таркат, конат арасть кезэрень тексттнэсэ: вастовтано Вирьаванть марто; покштя марто, кона ёвтни Литова тейтерьденть; Тюштя тюри инегуйтнень каршо, ды те тюремась невтезь волшебно-фантастической ёвксонь тюссо; Тюштя эсь раськень коензэ-кирданзо тонавтнеманть кисэ яки масторганзо; ды мекевлангт, «Масторавасо» а невтеви эрзянь ды мокшотнень ютксо явовомась — веенст эйстэст кадовить кашадо ярсамо, омбонстнэ туить Тюштя марто; бути кезэрень тексттнэсэ ятокс невтеви рузонь инязорось, «Масторавасо» те асодавикс ят... Весемесь те теезь вейкень кисэ: моротнень, преданиятнень ды легендатнень сюлмамс вейке сюжет марто мельга-мельцек молиця произведенияс.

«Масторава»-со минь васттано пазтнэнь ды ломаньтнень ютксо ламо полань саемат. Бути варштамс М.Е. Евсевьевень «Мордовская свадьба» ды К.Т. Самородовонь «Мокшень свадьба» важодевкстнэнь, несынек: «Масторавасо» невтевить допрок лия койть-кирдат, свадьбань налксемат. «Пурьгинепаз ды Кастарго», «Масторпаз ды Вирьава», «Мазый Дамай» моротнесэ ды Тюштянь полань саеманть ютксо ламо вейкетьксчить, теке марто нетяно допрок лия обрядонь налксемат ды художественно-эстетической лия произведеният. Тюштянь свадьбанзо невтемстэ вейтсэндявить полань саема ды калмамонь койть. Ды те чарькодеви: кезэрь пингстэ мирденень тейтерень максомась лововсь тоначив туемань кондямокс.

[витнеме-петнеме] Кода сёрмадовсь «Масторава» морокерьксесь

«Мастораванть» сёрмадомсто А.М. Шаронов невтизе прянзо алкуксонь валморонь сёрмадыцякс (поэтэкс).

Эпосось сёрмадозь эрзянь ванькс кельсэ, кона сюпав метафорасо, эпитетсэ, сравнениясо. 2003-це иестэ сон лиссь рузонь кельсэ, ютавтызе сонсь сёрмадыцясь.

2004-це иестэ И.М. Яушев лемсэ театрасо «Масторава» моро керьксенть юрсо путозель «Тюштя» невтевксесь. Эрявить тешкстамс моро керьксенть артовкстнэньгак, конат кеместэ сюлмавозь содержаниянзо марто. Сынст теинзе Россиянь заслуженной художникесь Н.С. Макушкин.

«Масторава»-нть сёрмадомсто А.М. Шаронов нежедсь эсензэ таштавкстнэнь ды фольклоронь сетъ материалтнэнь лангс, конатнень пурнызь X. Паасонен, М.Е. Евсевьев, А.А. Шахматов, П.И. Мельников, А.И. Маскаев... Те тешкстазь киниганть песэ невтевкстнэсэ, ёвтазь, косто саезь те эли тона морось. Седе видеть кармить улеме истят валтнэ: «Масторава» эпосось-морокерьксесь — те эрзянь ды мокшонь раськенть художественной автобиографиязо, кона сюпалгавтызе весе минек культуранть.

[витнеме-петнеме] Тюштянь валонзо неень шкань эрицятненень

Кадови ансяк вейке мелявтома — астувтнемс Тюштянь валонзо:

— Марямизь, эрзят, Инешкинь раськеть!
Марямизь, мокшот, Шкабавазонь эйдть! 
Тюштянь валонзо парсте кунсолынк. 
Бути чачиде Инешкинь эйдекс, 
Инешкинь эйдекс яла уледе! 
Свал ансяк эсенк кельсэ кортадо, 
Свал ансяк эсенк мельсэ арседе, 
Свал эсенк коенк-иланк ванстодо, 
Свал эсенк ломаньть прявтокс путнеде. 
Сестэ а ёми Эрзянь масторось, 
Сестэ нежеди лия паро шка...

[витнеме-петнеме] «Масторава» морокерьксэнь Чи

«Масторава» морокерьксэнь Чись Омбоце Эрзянь Инекужонть путонь мелензэ (Резолюциясь), кона ютась 2006 иень чадыковонь 16 чистэ (Саран ош) коряс карми ней тешкстневеме ацамковонь 21-е чистэнть. Шарононь Сандра те ковчинть (дата) шнызе. Те чистэнть Чизэ рашты, карми касомо.

[витнеме-петнеме] Сёрм.:

  • А. М. Шаронов, "Масторава", 1994 ие
  • Иван Гурьянов, "Сятко" журналось, даволковонь 2006 ие.