Portada

Un cruceiro é un monumento relixioso constituído por unha cruz de pedra, cunha ou varias imaxes, elevada sobre unha columna asentada sobre unha plataforma e situado, normalmente, en lugares públicos, principalmente encrucilladas, beiras de camiños, adros de igrexas, etc., lugares nos que ás veces existían xa cultos pagáns á natureza. O cruceiro é un dos monumentos máis fortemente enraizado na nosa terra e na nosa cultura, intimamente vencellado á paisaxe rural galega. Xorde nos máis inesperados currunchos e constitúese en obxecto de respecto e devoción populares. Hoxe séguense a esculpir e plantar en prazas, xardíns e propiedades particulares pero xa cun obxectivo decorativo nada máis.

Historia urbana de Istambul: Istambul, situada na encrucillada de dous continentes, foi capital do Imperio Romano de Oriente, de Bizancio, capital do Imperio Otomán, e ponte entre culturas. Na historia desta cidade entrecrúzanse as civilizacións e relixións e mestúranse feitos moi diversos que amosan a importancia deste enclave urbano ao longo da historia. Da man da súa privilexiada posición xeográfica e unha posible futura integración de Turquía na Unión Europea, a metrópole na que se ten convertido tenta atopar o seu lugar coma cidade global.

• 1929, nace en Düsseldorf Jürgen Habermas, pensador e filósofo alemán.
• 1937, publícase Galicia Libre unha publicación semanal editada en Bos Aires por iniciativa de Luís Seoane e Xosé Núñez Búa.
• 1963, morre Pedro Armendáriz, actor mexicano (n. 1912).
• 2006, apróbase en referendo o novo Estatuto de autonomía de Cataluña.